 |
| شيلة المتينات |
كلمات شيلة المتينات
للزين قالو من قديمن علامات
عين ومبسم والجسم والرشاقه
لكن كسر هالقاعده المتينات
من واقعاً ماهو كلام وبلاغه
واللي محليهن لو هن وثقيلات
دايم خفاف الدم فيهن لباقه
الله ياهن ياجماعه لطيفات
وعلى الكلام الحلو فيهن طلاقة
ماهو ضروري بالرشاقه رشيقات
زهد الوزن ماهو بيعنى اعاقة
صحيح بعض اللبس يعني اهانات
الوزن بالضيق عديم العلاقه
بس مو ضروري يلبسن سترجات
يازينهن واللبس واسع نطاقهلابارك بالله فيك يالضيق بالذات
ترى السعه مرات تعطي اناقه
قالو ريجيم اليوم هم البنيات
قلت الريجيم ادري يبيله فراغه
قالو رياضة قلت ماهن مريضات
للسكري لا ما معاهن بطاقه
قابلهن الله بلا ريجيم ورياضات
بهدي لهن مني من الورد باقه
هن دفى هذا المجتمع هالرقيقات
هن ملح هن سكر لذيذ مذاقه
هن لاسالتوني عن الحب بسكات
بقول ان فيهن عن الحب طاقه
ماهو الكلام الي كتبته اشاعات
انا ربطتني مع متينه علاقه
ليست هناك تعليقات:
إرسال تعليق