 |
| كلمات شيله دنيا العجب |
كلمات شيله دنيا العجب
سود الليال صدوفها مرجهنه
وناس تطيع وناس تبحث لمخراج
اظروفنا شده علينا الاعنه
ولازم نكابدها ولو لحقنا احراج
يالله بمحتاج يلا سد عنه
يذكر مواقفنا بدعوه وهو حاج
بيت شعا هواجسه مسكتنه
يلج له بين المعاليق لجلاج
وان جت لشفي والله ان ودي انه
يخاطبه جرح القصايد بديباج
ويالله برزق ولو على ظهر دنه
اذحره لين اضحك به معقد حجاج
دنيا العجب فيها العرب مستجنه
يدورون لروس الابراج ادراج
والساس محد شال همه وحنه
ولولاه ما طالت قصيرات الابراج
علاج بعض الناس حرب تشنه
لكن ضعيف الرابعه ماله علاج
ياضني الي كل يوم استضنه
دربك طويل ووعر وموحش ومنعاج
مابي اكون لي بالاموال جنه
ولا ابي لي منزل مدخله عاج
ابي لا جا اللي من ظروفه احنه
يجي وهو محتاج ويروح ما احتاج
لا ظن فيني الكفو انا فوق ظنه
ومالا يباج بلازمه غصب ينباج
كذا يربى الرجل من صغر سنه
هداج للضامي وللتايه سراج
وماني رسول جاب واجب وسنه
محيوج بعض احيان واحيان حواج
ومن يستفيد ولا لاحد فود منه
ضرس نخره السوس ويصب خراج
تعليقات
إرسال تعليق